Plantun de Prouvènço

Pèr coumpara dos planto d'encò nostre

Agrostemma githago & Pilosella corymbuloides

Niello

Agrostemma githago

Caryophyllaceae

Àutri noum : Courouno-di-blad, Pebreto, Barbudo, Nialo, Aniello.

Noms en français : Nielle, Nielle des blés.

Descripcioun :
Erbo pulèu grando que trachis dins li blad e que fai de poulìdi flour roso.

Usanço :
Li grano de niello soun empouisounanto, ço que dounavo, à passa tèms (avans la criblo di gran), de farino qu'èron pas manjadisso (farino nielado). Pèr acò la nielo èro levado di champ avans o dóu tèms di meissoun : "Iéu me rapelle que me mandavo moun pèro, ère pichouno ! -Vai ciéucla un pau aquéu caire de blad -De que fau leva ? - De nielo", me disié ! O peréu : "Meissounavian l'espéuto à la fauciho, e levavian aquéli planto que i'avié dedins... La nielo fasié de grano negro" (G. Gabinel e J. Chapus in O. Madon, op. cit., p. 127).

Port : Grando erbo
Taio : 0,3 à 1 m
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Agrostemma
Famiho : Caryophyllaceae

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Champ de cerealo

Liò : Champ - Meissoun
Estànci : Mesoumediterran à Mountagnard
Couroulougi : Pancaro entresigna
Ref. sc. : Agrostemma githago L., 1753

Peludello(-dóu-brout-en-pinceloun)

Pilosella corymbuloides

Asteraceae Compositae

Nom en français : Piloselle à inflorescence corymbiforme.

Descripcioun :
Aquesto peludello coumuno, mai pas trop bèn couneigudo, trachis dins li pelouso aupenco pulèu sus sòu séusous. Fai partido dóu group de peludello que soun pas bourrihudo sus lou dessouto di fueio ; podon pamens agué quàuqui péu estela. Pòu faire quàuqui fiéu (estouloun) courtet e ansin douna uno pichoto coulounìo. Li flour coumpausado an si brout en pinceloun (courimbo) un pau sarra.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 25 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Pilosella
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 1,5 à 2 cm
Flourido : Printèms - Estiéu

Sòu : Si (Ca)
Autour basso e auto : 1600 à 2600 m
Aparado : Noun
Jun à avoust

Liò : Pelouso - Roucaio - Champino
Estànci : Subaupen à Aupen
Couroulougi : Ouroufito-Aupenco
Ref. sc. : Pilosella corymbuloides (Arv.-Touv.) S.Bräut. & Greuter, 2008 (= Pilosella smithii Arv.-Touv. = Hieracium corymbuloides Arv.-Touv., 1872 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Agrostemma githago & Pilosella corymbuloides

ges

Coumpara Niello emé uno autro planto

Coumpara Peludello(-dóu-brout-en-pinceloun) emé uno autro planto